സൌഹൃദം.
കൈവെള്ളയ്ക്ക് മിടിപ്പും
വിരല്‍ത്തുമ്പുകളില്‍ സംഗീതവും ഉണ്ട്.
ചിലരുടെ കൈ സ്പര്‍ശിക്കുമ്പോള്‍
അടുപ്പിനരികില്‍
ചെന്നതുപോലെ തോന്നും.
തൊട്ടാല്‍ കൈവലിച്ചു പോകും
ഷോക്ക് ചിലതിന്
വിരല്‍ മുറിഞ്ഞു പോകും ഒഴുക്കുള്ളവ
പുകയുന്നവ
കൈപ്പത്തി വെറുമൊരു അടയാളമല്ല
പൂക്കള്‍ വിരിയുന്ന നെഞ്ച് മാത്രമല്ല
ആകാശത്തിന്‍റെ വിശാലതയുമല്ല
വാക്കു കൊണ്ട് മൂടുവാനാകാത്ത സൌന്ദര്യവും
നോക്കുകൊണ്‍ട് കാണുവാനാകാത്ത
കാഴ്ചയുമാണത്.
ഇളംചൂടാര്‍ന്നതും
സദാമിടിച്ചുകൊണ്ടിരിക്കുന്നതുമായ കൈപ്പത്തി
ഏത് തിരക്കിലാവും അറ്റുപോയിട്ടുണ്ടാവുക.
No comments:
Post a Comment